Musalmaan aur Quraan

This poem is about how a Muslim transforms by pondering over Quran!

Musalmaan aur Quraan

aieena dekh kur main pureshaan ho gaya

apnay wajood pur hi pushemaan ho gaya

is qaaro baar e deen* ne to burbaad kur dia

eemaan ko tola to main be-eemaan ho gaya

dhoonda jugha jugha, magr na khola apna dil

aur jhaanka, to teri deed ka samaan ho gaya

ous zaat se mansoob kia naffa o nuksaan

kub jaanay woh qahaar, mehrbaan ho gaya

pehlay Quran tha bus ik mo'jaza faqat

nikla jahaad pay to phir 'Furqaan' ho gaya

chup saadhay jo baitha raha tha manind e durwaish

bola , to wahi aandhi o toofaan ho gaya

bola koi main mo'jaza hoon , 'aajiz' karoo ga main

jab aqal se milla to khud hairaan ho gaya

apnay qadam chulna hoa dushwaar kis qadar

kaandhay se ous kay rusta kuch aasaan ho gaya

husrat bana rahaa jo baras ha basad e shoq

nikla jo meray dil se to aurmaan ho gaya

ehl e kitaab* aaj jisay kehtay hain 'shaheed' 

ik 'hurf' tha jo rah main qurbaan ho gaya

shaitaan mera dost , dereena ik rafeeq

ub k mila to jaan kur un-jaan ho gaya

Duniya ka Ilm jaana . jaana na apna deen*

Ab samjha kaisay zehn yeh veeran ho gaya

Paya zaroor jis ne bhi maanga khuda se SUCH

Yun hi to nahi Budha ko Nirvaan ho gaya

Jis ne kia gharoor o takubbar, zun o gumaan

Ilm o aqal k ba wajood ,nadaan ho gaya

tafreeq k janoon ne mujhay muskrik bana dia

thaami jo HUB LULAHH, MUSALMAAN ho gaya

taira to teray ishq main 'kia kia' nahi bana

'dooba' jo aik baar main INSAAN ho gaya

Allah ka Ehsaan tha ya husn e amal o khoo

'Saadiq' 'Ameen', "Khulq u hul Qur-aan "ho gaya
(Sall ul la hu alaihi wasallam)

SW

Dedicated to 'Deen e Islam'

(Ehl e kitaab ...Kitaab walay yani *Quran waalay muraad hain )


Check it on the Islamic Poetry Site here